Rugova: LDK-ja duhet t’ia bëjnë kuorumin Vjosës për presidente

10:25 | 15 Shkurt 2021
arbresh.info

Anëtari i Lidhjes Demokratike të Kosovës, Naser Rugova, thotë se kjo parti duhet t’ia bëjnë kuorumin Vjosa Osmanit për t’u bërë presidente.

”Sa për Vjosën. Mendoj që deputetët e LDK-së duhet të rrinë në sallë dhe t’ia bëjnë kuorumin për zgjedhjen e Presidentit. Është shumë me rëndësi që maskat të bien deri në fund dhe që, të gjithë ata votues të LDK-së që i besuan, ta kuptojnë se e tëra, gjithë histeria e saj, ishte vetëm për poste dhe përfitime personale. Në demagogjinë e saj nuk ka as edhe një pikë sinqeriteti dhe kjo do të shihet edhe më shumë në periudhën që kemi para”, është shprehur Rugova një ditë pas zgjedhjeve parlamentare të 14 shkurtit.

Rezultatet e deritanishme LDK-në e nxjerrin si partinë e tretë pas Lëvizjes Vetëvendosjes dhe Partisë Demokratike të Kosovës./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm